ڕه‌وه‌ند

شانۆییەکی بینراو، دەربارەی فیشاڵی هەڵبژاردنێکی دیکە Print
Sunday, 11 February 2018 08:08

حەمە غەفور

ئەگەر ١٦ ئۆکتۆبەر وەکو سەرەتای ئاوابوونی شانسی ٢٦ ساڵ باڵادەست بوونی پارتی و یەکێتی دابنێین لە کوردستانێکا کە چارەنووسی نادیار و هەڵواسراو بوو لە ڕووی سیاسی و حقوقییەوە، ئەوا ملکەچ کردن و تەنانەت تاودان و پاڵپێوەنانی کوردستان و خەڵکەکەی لەلایەن بزووتنەوەی گۆڕان و حزبەکانی شاسوار عەبدولواحد و بەرهەم ساڵحەوە بۆ تەسلیمبوونەوە بە بەغدا، بە واتای گەڕانەوەیە بۆ خاڵی سەرەتا و دەسپێکردنەوەی هەمان پرۆسە و هەمان شێوەی ئەزموونی یەکێتی و پارتییە لە سفرەوە بە هەندێ گۆڕانکاری ڕووکەشەوە!

ئەمە لە کاتێکایە خەڵکی کوردستان بەشداری جددیان لە ڕیفراندۆمێکا کرد و بە دەنگێکی زوڵاڵ بەڵێیان ووت بۆ جیابوونەوە لە عێراق، کە هەم دنیایەک کێشە و گرفت و بەربەستی ناوخۆیی و دەرەکی و تەنانەت هەڕەشەی سەربازی و گەمارۆی ئابووریشی بەرەوڕوو کرایەوە، هەم بێ ئابڕوویی دەسەڵاتی کوردی و بێ متمانەیی هاوڵاتیان بە هەر پێنج حزبەکەش لە ناو هاوڵاتیاندا بە گشتی شەپۆلی ئەدا!

دوای ٢٦ ساڵ ئەزموونی نەگریسی یەکێتی و پارتی کە بە شانۆیی هەڵبژاردن و پارلەمان بەڕێیانخست، ئایا هیچ هێز و حزبێکی دیکە دەتوانێ و بوێری هەیە جارێکی تریش گاڵتەجاڕی هەڵبژاردنی پارلەمان و پڕووپووچی دەستاو دەست کردنی دیموکراسیانە و ئاشتیانەی دەسەڵات لە کوردستانی دوو جار ستەملێکراو، دوو جار داگیرکراو - جارێک لە لایەن دەسەڵاتی ناوەندەوە جارێکیش لەلایەن دەسەڵاتی کوردییەوە - و سەد جار برینداردا بەرپاکاتەوە و داوا لە هاوڵاتیان بکا بچنە سەر سندوقی شانۆییەکی بینراو!

ئەمە پرسیارێکە و بەرەوڕووی ویژدانی دانە دانە لە هاوڵاتیانی کوردستان دەبێتەوە و بانگێشتیان دەکا بە ئیرادەیەکی سەربەخۆ و ویژدانێکی ئاسوودەوە وەڵامی پێ بدەنەوە. ئەم جارەیان نابێ هیچ دروشم و وەعد و بەڵێنێکی بریقەدار ڕەواجی هەبێ، نابێ ڕێگابدەن دەستە و تاقمی مونشەقی نێو هەمان دوو حزبی دەسەڵاتداری پێشوو یان بزنسمانانی نێو سەرمایەدارانی کوردی جێگومان بتوانن کڵاوی فریوکاری هەڵبژاردن بکەنە سەر خەڵکی شەرافەتمەندی کوردستان. خەڵکی ئێمە شکۆمەندی و سەرفرازی دەخوازێ و تەسلیمبوون بە بەغدا ڕەتدەکاتەوە.

 

بابه‌تی هه‌ڵبژارده‌

ناوەندی خەبات، ئاسۆ و ئەرکەکان

News image

ناوەندی خەباتی کرێکاری و جەماوەری لە کوردستان بۆ داگرتن یا خوێندنەوەی لە شکڵی (پی دی ئێف) کل...

خۆپێشاندانەکان و پڕاتیکی کۆمۆنیستی

News image

  خۆپێشاندانەکان و پڕاتیکی کۆمۆنیستی (سەبارەت بە بنەما فکری و سیاسیەکانی بڕیارنامەی ڕەوەند: خۆپێشاندانەکان و ئاسۆی پێشڕەوەی) نادر ...

بڕیارنامەی ڕەوەند: خۆپێشاندانەکان و ئاسۆی پێشڕەوی

News image

  1. زیاتر لە مانگ و نیوێك تێپەڕیوە بەسەر تەقینەوەی ناڕەزایەتی بەشێکی زۆری شار و شارۆچکەکانی ...

مانیفێستی "ڕەوەند" لە بارودۆخی سیاسی ئێستای کوردستاندا

News image

  ڕەوەندی سۆشیالیستی کرێکاری: مانیفێستی "ڕەوەند" لە بارودۆخی سیاسی ئێستای کوردستاندا 1. بارودۆخی سیاسی ئێستای کوردستان، ڕەنگدانەوە و ...

هاوپشتی کرێکاری ژمارە 1 ئۆکتۆبەری 2010

هاوپشتی کرێکاری ژمارە 1 ئۆکتۆبەری ...


تۆ لێره‌ی  : سه‌ره‌تا بابه‌ته‌کان شانۆییەکی بینراو، دەربارەی فیشاڵی هەڵبژاردنێکی دیکە