ڕه‌وه‌ند

سەبارەت بە خۆپیشاندانەکانی بەشێك لە شاروشارچکەکانی کوردستان Print
Friday, 22 December 2017 21:59

حزبی کۆمۆنیستی کرێکاریی کوردستان

لەماوەی دوو رۆژی رابردوودا لەزۆرێك لەشاروشارۆچکەکانی هەرێمی کوردستان خۆپیشاندانی جەماوەری دژی حکومەتی هەرێم بەڕێوەچوو. خۆپیشاندەران لەجیاتی بەرزکردنەوەی داواکاریەکانیان کە چەندین ساڵە و دوای دەیان خۆیشاندان و نارەزایەتی و مانگرتن و بایکۆتی دەوامی فەرمانگەو خوێندنگاکان، لەلایەن حکومەتی هەرێمەوە وەڵامیان نەدرایەوە، ئەمجارەیان داوای روخان و رۆشتنی حکومەتی هەرێمیان کرد. جەماوەری کرێکار و زەحمەتکێش و بێبەشی کوردستان بەدەنگی بەرز رایانگەیاند کە ئیتر هیچ چاوەروانی و ئومێدێکیان بەم حکومەتە نەماوەو باشبوونی ژیان و گوزەرانیان، دابینبونی مووچەو خزمەتگوزاریەکان بەندە بە رۆشتنی حکومەتی بنەماڵەیی هەرێمەوە.

 

حکومەتی هەرێم و هێزە سەرکوتگەرەکانی وەک هەر دەوڵەتێکی سەرکوتگەر کەوتنە پەلاماردانی خۆپیشاندەران، ئەو هێزەی کە لەبەرامبەر حەشدی شەعبی و حکومەتی عەبادیدا بەچۆکدا هاتن، لولەی چەکیان کردە خۆپیشاندەران و تا ئیستا دەیان هاوڵاتی بریندارو دەیان هەڵسوڕاوی سیاسی و جەماوەری دەستگیرکراون و چوار هاوڵاتی دیکەش لە شاری رانیە کوژراون. لەچوارچێوەی هەمان کردەوەی سەرکوتگەرانەدا میدیاکاران روبەرووی دەستدرێژی بونەتەوە.

حکومەتی هەرێم و حزبە دەسەڵاتدارەکان کەشوهەوایەکی جەنگیان بەسەر شاروشارۆچکەکاندا داسەپاندوەو بەهەموو هێزو توانایەنەوە لە ئامادەباشیدان بۆ سەرکوتکردن و لەخوێن هەڵکێشانی هەرجۆرە نارەزایەتیەکی جەماوەری و خەڵکی برسی و چەوساوەو زوڵملێکراوی کوردستان.

لەلایەکی دیکەوە، ئەو بەدیلە سیاسیانەی کە لەلایەن باڵە  سیاسیە جیاوازەکانی بۆرژوازی کوردەوە دەخرێنەبەردەم جەماوەری ناڕازی و وەتەنگهاتوو، یان گەڕانەوە بۆ بەغداو پاڕانەوەیە لە عەبادی، گوایە لەو رێگایەوە کێشەی مووچەو بودجە و سەرجەم ئەم دۆخە ناهەموارەی ژیانی خەڵك چارەسەر دەبێت، یاخود گرێدانەوەی ئومێدی خەڵکی کوردستانە بە ئەمریکاو لەرێگای بە نۆکەرایەتیەوە بۆ ئەمریکا و ئەجندا سیاسیەکانی لە ناوچەکەدا خۆشگوزەرانی بۆ خەڵکی کوردستان بەدیاری دەهێنێ. هەرکام لەم بەدیلە سیاسیانە تا سەر ئێسقان کۆنەپەرست و لەدژی بەرژەوەندی خەڵکی کوردستان و خەباتی رەوای ئەو خەڵکەیە بۆ ژیانێکی شکۆمەند و ئازادو خۆشگوزەران و ئازاد. دەبێ جەماوەری خەڵکی کوردستان هوشیاربن و نەکەونە داوی ئەم بەدیلە کۆنەپەرستانەیەوە.

ئێمە لە حزبی کۆمۆنیستی کرێکاریی کوردستان، هەرجۆرە نارەزایەتی و خۆپیشاندانێکی خەڵکی کوردستان دژی حکومەتی هەرێم، توڕەیی خەڵك لە بێدەربەستی حکومەتی هەرێم و بایەخ دانانەن بۆ خواست و دواکاریەکانیان و بۆ ژیان و گوزەران و کەرامەتیان بەرەواو شەرعی دەزانین. لەهەمان کاتدا پەلامارو کاردانەوەی دڕندانەی هێزە چەکدارەکان و دەزگا سەرکوتگەرەکانی حکومەتی هەرێم لەدژی خەڵك بە تاوانێکی نەبەخشراو دەزانین و ئەم کردەوەیە بەڵگەیەکی دیکەی خستە سەر بەڵگەکانی رەوابوونی خواستی جەماوەر بۆ رۆشتنی ئەم حکومەتە گەندەڵ و نایەکسان و دژی خەڵکیەی هەرێم.

داواکارین لە خەڵکی نارازی و شۆرشگێری کوردستان دەکەین کە بەشێوەیەکی سیاسی و جەماوەری درێژە بە خەبات و نارەزایەتی خۆیان بدەن و خۆپیشاندان و مانگرتن و نارەزایەتیەکان بگوێزنەوە بۆناو گەڕەك و خوێندنگاو زانکۆ و نەخۆشخانەو فەرمانگەو دامەزراوە گشتی و تایبەتیەکان و هاوکات لەهەموو ئەو شوێنانە دەستبەرن بۆ کۆبونەوەی گشتی و بەرپاکردنی شوراو ئەنجومەنە جەماوەری و شۆرشگێریەکانی خۆیان. کاتی ئەوە هاتوە کە رابەران و هەڵسوڕاوانی دڵسۆزی جەماوەری لەهەموو ئەو ناوەندە گەڕەکانە کۆمیتە و گروپ و دەستەکانی بەرپاکردنی شوراو ئەنجومەکان دروست بکەن.  دەبێت  دەسەڵاتی کوردستان بکەوێتە دەستی جەماوەری خەڵك و نوێنەرانی دڵسۆزو جێمتمانەی جەماوەر. هاوکات دەبێ جەماوەری نارازی و توڕەی کوردستان ئاگاداری ئەوەبن کە خۆ بپارێزن لەوەی بیانوو بدەنە دەست دەسەڵاتی سەرکوتگەری ئەحزابی دەسەڵاتداری هەرێم بۆئەوەی بزوتنەوەکەیان لەسەرەتادا سەرکوت بکەن.

http://www.hkkurdistan.org/

٢٠/١٢/٢٠١٧

Last Updated on Friday, 22 December 2017 22:02
 

بابه‌تی هه‌ڵبژارده‌

ناوەندی خەبات، ئاسۆ و ئەرکەکان

News image

ناوەندی خەباتی کرێکاری و جەماوەری لە کوردستان بۆ داگرتن یا خوێندنەوەی لە شکڵی (پی دی ئێف) کل...

خۆپێشاندانەکان و پڕاتیکی کۆمۆنیستی

News image

  خۆپێشاندانەکان و پڕاتیکی کۆمۆنیستی (سەبارەت بە بنەما فکری و سیاسیەکانی بڕیارنامەی ڕەوەند: خۆپێشاندانەکان و ئاسۆی پێشڕەوەی) نادر ...

بڕیارنامەی ڕەوەند: خۆپێشاندانەکان و ئاسۆی پێشڕەوی

News image

  1. زیاتر لە مانگ و نیوێك تێپەڕیوە بەسەر تەقینەوەی ناڕەزایەتی بەشێکی زۆری شار و شارۆچکەکانی ...

مانیفێستی "ڕەوەند" لە بارودۆخی سیاسی ئێستای کوردستاندا

News image

  ڕەوەندی سۆشیالیستی کرێکاری: مانیفێستی "ڕەوەند" لە بارودۆخی سیاسی ئێستای کوردستاندا 1. بارودۆخی سیاسی ئێستای کوردستان، ڕەنگدانەوە و ...

هاوپشتی کرێکاری ژمارە 1 ئۆکتۆبەری 2010

هاوپشتی کرێکاری ژمارە 1 ئۆکتۆبەری ...


تۆ لێره‌ی  : سه‌ره‌تا بابه‌ته‌کان سەبارەت بە خۆپیشاندانەکانی بەشێك لە شاروشارچکەکانی کوردستان