ڕه‌وه‌ند

دەستبەجێ دەبێت ڕەوەندی سەربەخۆیی کوردستانی عێراق دەستپێبکات! Print
Wednesday, 11 October 2017 22:53

حیزبی کۆمۆنیستی کرێکاریی ئێران

ڕیفراندۆمی گشتی کوردستانی عێراق کە لە ڕۆژی ٢٥ ئەیلول ئەنجامدرا، سەربەخۆ لە ئەنگیزە ومەبەستی سیاسی دەسەڵاتدارانی حکومەتی هەرێمی کوردستان یەک ڕوداوی مێژویی گرنگ بوو کە لە ئاڵوگٶڕەکانی دواتردا لە هەموو ناوچەکەدا کاریگەری گرنگی دەبێت.  سەرەڕای هەڕەشە و فشارەکانی دەوڵەتە کۆنەپەرستەکانی ئەردۆغان و کۆماری ئیسلامی ئێران و حکومەتە دەستکەلاکەی عێراق و بەکرێگیراوانی حەشدی شەعبی و نمونەکانیان، ریفراندۆم بە گشتی لە کەشێکی ئارامدا ئەنجامدرا و خەڵک بە فراوانی بەشداریان تێدا کرد. بەپێی گوزارشە فەرمیەکان زۆرینە بە بەڵێ واتە زیاتر لە ٩٠% خەڵک دەنگیان بە جیابونەوەی کوردستان دا.

 

لە ئێستادا لە لایەکەوە شاهیدی درێژەدان بە هەڕەشەکانی دەوڵەتانی کۆنەپەرستی تورکیا و کۆماری ئیسلامی و دەستەو تاقمە دەسەڵاتدارەکانی عێراق و بەکرێگیراوەکانیانین، لە لایەکی تریشەوە بارزانی و حکومەتی هەرێم دەیانەویت دەنگی خەڵک بگٶڕن و بیکەنە بەڵگەو کارت بۆ مامەڵەو بەندوبەستەکانیان لەگەڵ ئەم دەوڵەتانەدا.

ئیستا ئەوەی گرنگە وپێویستە تەئکیدی لەسەر بکرێت ئەوەیە کە خەڵک دەنگیان داو وە دەبێت دەنگی خەڵکیش جێبەجێ بکرێت. خەڵک دەنگیان بە جیابونەوە دا و ڕەوەندی ئەم جیابونەوەیەش دەبێت هەرچی زوترە دەستپێبکات. هیچ مەرجەعێک مۆڵەتی نییە کە ڕێگربێت لە جێبەجێکردنی خواست و ئیرادەی خەڵک یان لەسەروی بڕیاری خەڵکەوە دەست بە بەندوبەست بکات و جیبەجێکردنی ئەو خواستە دوابخات. حکومەتی هەرێمی کوردستان و دەوڵەتی عێراق دەبێت بەفەرمی و بەخێرایی ڕوەندی جیابونەوەی کوردستان ڕابگەیەنن و بارودۆخێکی پێویست بۆ جێبەجێکردنی تەواوی ئەو خواستە فەراهەم بکەن.

حیزبی کۆمۆنیستی کرێکاریی پشتیوانی لە بڕیاری خەڵک بۆ سەربەخۆیی دەکات و هەموو خەڵکی جیهان و سازمان و ڕێکخراوە پێشکەوتنخواز و مرۆڤدۆستەکان بانگەواز دەکات کە هەرەشەکانی دەولەتە کۆنەپەرستەکان و بەکرێگیراوانی ئەوان دژ بە خەڵکی کوردستان سەرکۆنە بکەن و پشتیوانی لە ئیرادەو بڕیاری خەڵک سەبارەت بە چارەنوس و ژیانی خۆیان بکەن. نابێت مۆلەت بدرێت کە حکومەتە کۆنەپەرست و تاوانکارەکان کە لە دەوڵەتەکانی ژێر دەسەڵاتی خۆیاندا بچوکترین ئازادی سەرکوت دەکەن بە سەربازیکردنی بارودۆخەکە و دروستکردنی فەزای ترس و هەڕەشە و جەنگ و گەمارۆی ئابوری و سەربازی، خەڵکی کوردستان بە بیانوی دەخالەتیان لە چارەنوسی خۆیاندا سزا بدەن. خەڵک مافی خۆیانە کە دەنگ بدەن و ئیرادەی خۆیان جێبەجێبکەن. کوردستانی سەربەخۆ دەبێت لە لایەن خودی خەڵک و لە ڕێگای یەک دەولەتی هەڵبژێردراوی غەیرە قەومی و غەیرە مەزهەبیەوە بەڕێوەببرێت. ئەمە یەکەمین هەنگاوە لە پێناو کۆتایهێنان بە دزی و تۆتالیتاریەتی دارودەستە حاکمەکان لە کوردستانی عێراقدا.

٤ی ئۆکتۆبەری ٢٠١٧

وەرگێڕانی لە فارسیەوە: هیوا ئەحمەد

Last Updated on Wednesday, 11 October 2017 23:00
 

بابه‌تی هه‌ڵبژارده‌

هەڵسەنگاندن و ئاوڕدانەوەیەك لە یادی سێ ساڵەی تیرۆری ڕۆژنامەنوس سەردەشت عوسمان، گفتوگۆ لەگەڵ نادر عبد

News image

ئامادەکردنی بۆ ماڵپەڕی هاوپشتی: لاوژە جەواد هاوپشتی: تۆ یەکێك بووی لە بەشداربوانی یادی سێ ساڵەی تیرۆری سە...

خۆپێشاندانەکان و پڕاتیکی کۆمۆنیستی

News image

  خۆپێشاندانەکان و پڕاتیکی کۆمۆنیستی (سەبارەت بە بنەما فکری و سیاسیەکانی بڕیارنامەی ڕەوەند: خۆپێشاندانەکان و ئاسۆی پێشڕەوەی) نادر ...

بڕیارنامەی ڕەوەند: خۆپێشاندانەکان و ئاسۆی پێشڕەوی

News image

  1. زیاتر لە مانگ و نیوێك تێپەڕیوە بەسەر تەقینەوەی ناڕەزایەتی بەشێکی زۆری شار و شارۆچکەکانی ...

مانیفێستی "ڕەوەند" لە بارودۆخی سیاسی ئێستای کوردستاندا

News image

  ڕەوەندی سۆشیالیستی کرێکاری: مانیفێستی "ڕەوەند" لە بارودۆخی سیاسی ئێستای کوردستاندا 1. بارودۆخی سیاسی ئێستای کوردستان، ڕەنگدانەوە و ...

هاوپشتی کرێکاری ژمارە 1 ئۆکتۆبەری 2010

هاوپشتی کرێکاری ژمارە 1 ئۆکتۆبەری ...


تۆ لێره‌ی  : سه‌ره‌تا بابه‌ته‌کان دەستبەجێ دەبێت ڕەوەندی سەربەخۆیی کوردستانی عێراق دەستپێبکات!