ڕه‌وه‌ند

سەبارەت بە هەرەشە و مەترسیەکان بۆ سەر خەڵکی کوردستان Print
Tuesday, 03 October 2017 12:40

ناوەندی خەباتی کرێکاری و جەماوەری لە کوردستان

هێنانەگۆری پرسی ڕیفڕاندۆم و بەڕێوەبردنەکەی لە هەرێمی کوردستانی عێڕاقدا لە لایەن پارتی و حزبە هاوپەیمانەکانیەوە، نەک هەر بووە هۆی بەرزبوونەوە و پەرەداربوونی نەعرەتەی تائیفی و ڕەگەزپەرستانەی هێزە میلیشیاکان، بەڵکو بارودۆخێکیشی خوڵقاند کە باڵە دژ بەیەکەکانی شۆفێنیزم و ڕەگەزپەرستی ناسیونالیزمی عەرەبیش بە سوننی و شیعیەوە یەک دەنگ کۆببنەوە لە پەرلەمانی عێڕاق و ببنە هاندەر و پشتیوانی حکومەتی کۆنەپەرست و تائیفی عەبادی، تا هەڕەشە و فشارەکانی بۆسەر هەرێمی کوردستان توندوتیژ بکاتەوە و بکەوێتە دەرکردنی چەند بڕیارێک دژی خەڵکی کوردستان.

 

نەک هەر ئەمەش ئەم هەنگاوەی پارتی و حزبە هاوپەیمانەکانی، بوە هۆی ئەوەی کە دەوڵەتانی کۆنەپەرست و دژە ئازادی و شۆفێنزمی قەومی و ئیسلامی ناوچەکەش وەک تورکیا و ئێران لەگەڵ دەوڵەتی عێڕاقدا کۆببنەوە لەناو بازنەیەکی دژایەتی کردنی ئازادی و بەرژەوەندیەکانی خەڵکی کوردستانی عێڕاق.

بەڵێ پارتی و هاوبەشەکانی بەم هەنگاوەیان بۆ دەربازبوون لە بنبەستی حکومڕانی 26 ساڵەیان و داپۆشینی گەندەڵی و بەتاڵانبردنی سەروەتوسامانی کوردستان و ڕاگرتنی خەڵکی کوردستان لە برسیەتیدا، وە بە سوئی ئیستیفادە کردن لە هەست و سۆزی هاوڵاتیانی کوردستان بۆ سەربەخۆیی و دووبارە نەبوونەی ئەگەری زوڵمێکی نەتەوەیی کە چەشتوویانە سەرەتا لەسەر دەستی ئیمپریالیزم و پاشان لە سەردەستی دەسەڵاتە شۆفێنیە جیاجیاکانی دەوڵەتی ناوەندی عێڕاق، بەڵێ پارتی و هاوپەیمانەکانی لێرەوە بەم هەنگاوەیان خەڵکی کوردستان و ئایندەی هەرێمەکەیان ڕووبەڕووی هەرەشە و مەترسیەکی جدی کردۆتەوە هەر لە خراپترکردنی باری گوزەران و بژێویان و برسی ڕاگرتنیانەوە بگرە تا کردنیان بە سوتەمەنی جەنگێکی ماڵوێرانکەری قەومی و تائیفی.

ئێمە لە کاتێکدا سەرکۆنە (ئیدانە)ی تەواوی هەوڵ و کۆششی کۆنەپەرستانە و دژە ئازادی پەرلەمان و حکومەتی عێڕاق و دەوڵەتانی ناوچەکە دەکەین و دژایەتی خۆمان ڕادەگەێنین بەرامبەریان، لەهەمانکاتیشدا پێداگری دەکەینەوە لەسەر خواستە ڕەواکانی کرێکاران و جەماوەری بەشمەینەتی کوردستان و هەروەها ناڕەزایەتیەکانیان بەدژی ئەم دەسەڵاتە گەندەڵ و دژە ئازادیەی هەرێمی کوردستان کە بارودۆخێکی ئاوای بۆ هێناونەتەدی.

وە لە حاڵەتی دەستدرێژی حکومەتی ناوەندی و دەوڵەتانی ناوچەکە بۆسەر هەرێم و خەڵکی کوردستان، ئێمە بانگەوازی خەڵکی کرێکار و زەحمەتکێش و هاوڵاتیان دەکەین کە نەبنە سوتەمەنی و داردەستی ئەم دەسەڵاتە گەندەڵ و دژە کرێکاریەی کوردستان و بە ڕیزی ڕێکخراو و سەربەخۆی خۆیانەوە لەهەوڵی ڕێکخستنی بەرەنگاریەکی شۆڕشگێڕانەدا بن دژی هەرجۆرە دەستدرێژیەک بۆسەر هەرێمی کوردستان و خەڵکەکەی.

"ناوەندی خەبات" لە هەوڵ و کۆششەکانی خۆیدا بۆ ڕووبەڕووبوونەوەی ئەم بارودۆخە ناهەموارە پشت دەبەستێت بە یەکڕیزی کرێکاران و زەحمەتکێشان و جەماوەری ئازادی خوازی کوردستان و عێراق، و هەروەها هاوپشتی نێونەتەوەیی جیهانی.

1 ی ئۆکتۆبەری 2017

Last Updated on Tuesday, 03 October 2017 12:55
 

بابه‌تی هه‌ڵبژارده‌

هەڵسەنگاندن و ئاوڕدانەوەیەك لە یادی سێ ساڵەی تیرۆری ڕۆژنامەنوس سەردەشت عوسمان، گفتوگۆ لەگەڵ نادر عبد

News image

ئامادەکردنی بۆ ماڵپەڕی هاوپشتی: لاوژە جەواد هاوپشتی: تۆ یەکێك بووی لە بەشداربوانی یادی سێ ساڵەی تیرۆری سە...

خۆپێشاندانەکان و پڕاتیکی کۆمۆنیستی

News image

  خۆپێشاندانەکان و پڕاتیکی کۆمۆنیستی (سەبارەت بە بنەما فکری و سیاسیەکانی بڕیارنامەی ڕەوەند: خۆپێشاندانەکان و ئاسۆی پێشڕەوەی) نادر ...

بڕیارنامەی ڕەوەند: خۆپێشاندانەکان و ئاسۆی پێشڕەوی

News image

  1. زیاتر لە مانگ و نیوێك تێپەڕیوە بەسەر تەقینەوەی ناڕەزایەتی بەشێکی زۆری شار و شارۆچکەکانی ...

مانیفێستی "ڕەوەند" لە بارودۆخی سیاسی ئێستای کوردستاندا

News image

  ڕەوەندی سۆشیالیستی کرێکاری: مانیفێستی "ڕەوەند" لە بارودۆخی سیاسی ئێستای کوردستاندا 1. بارودۆخی سیاسی ئێستای کوردستان، ڕەنگدانەوە و ...

هاوپشتی کرێکاری ژمارە 1 ئۆکتۆبەری 2010

هاوپشتی کرێکاری ژمارە 1 ئۆکتۆبەری ...


تۆ لێره‌ی  : سه‌ره‌تا بابه‌ته‌کان سەبارەت بە هەرەشە و مەترسیەکان بۆ سەر خەڵکی کوردستان